गजल - भेटीएनौ

कति खोजेँ भगवान तिम्लाइ, पिरमा भेटिएनौ
कुना कन्दरा, पाखा पहरा, भिरमा भेटिएनौ

जलाइ दियो, बाली धुप, खुबै पुकारेथेँ
बिहार गुम्बा, मस्जिद चर्च, मन्दिरमा भेटिएनौ

बितिगयो अभिलाषा, कुरि बसेँ बाह्रै महिना
बसन्त, ग्रिष्म, हेमन्त शिशिरमा भेटिएनौ

डुल्न निस्केँ तिर्थयात्रा, कहाँ कहाँ पुगीन मँ
गोसाइकुन्ड, बराहको, तिरमा भेटिएनौ

आफ्नै मन भित्र हेरेँ, भेटे व्यथा मात्रै
भाग्यकै पो दोष हो कि, तकदिरमा भेटिएनौ

2011