रहरै रहरमा
यो तिम्रो सहरमा
बाटो बिर्सिएको मान्छे हुँ म
माटो बिर्सिएको मान्छे हुँ म
रहरै रहरमा
मान्छेको लहरमा
मन मस्तिष्क र मानवता
बिर्सेका विरक्त बिरामी
सँग सँगै हिँडेर निकै
थाकेर बसेको मान्छे हुँ म
भागेर बसेको मान्छे हुँ म
सबैलाई आफन्तै ठानी
देखेर दयालु दानी
मिठो मायालु बानी
झुटो रहेछ जानी
प्रहार प्रेम र पिडा
बोकेर हिडेको मान्छे हु म
भोगेर हिडेको मान्छे हुँ म
रहरै रहरमा
यो तिम्रो सहरमा
बाटो बिर्सिएको मान्छे हुँ म
माटो बिर्सिएको मान्छे हुँ म।।
